Ang napatay nga si Alex Mayagma ang gina kabig nga Most Wanted sa Central Visayas suno sa PNP sa ila nga press conference kaina sang aga.
Napatay siya matapos gin alegar nga nagbato sa mga pulis sang arestuhon pinaagi sa warrant of arrest sa kaso nga 2 counts of murder, illegal possession of firearms kag pagsupak sa Comelec Gun ban kahapon sang aga sa Barangay Malabugas, Bayawan City, Negros Oriental.
Base sa blotter report sang PNP, nag gabot sang pusil si Mayagma sang nag abot ang mga pulis pero na agaw ini sang mga pulis.
Nagkuha pa gid siya sang isa pa gid ka pusil sa iya nga sling bag kag hana na kuntani nga maniro gani napilitan na ang mga pulis nga tiruhon siya.
Ini tanan ang nakuhaan man sang video pinaagi sa body camera sang mga pulis.
Ginhingagaw pa siya dala sa ospital apang gindeklarar nga dead on arrival.
Suno pa sa PNP ang lugar nga natabuan sang insidente ang manokan ni Cong. Arnolfo Teves, Jr. Ginahibalo pa nila kun tawo gid man siya sang kongresista.
Sa ginpatigayon nga marathon hearing sa senado makapila man ka beses nga nagtuhaw ang ngalan ni Mayagma nga amo ang gina tudlo responsable sa pila ka kaso sang pagpamatay sa Negros Oriental.