Sa July 17 nga report sang Provincial Veterinary Office, 79 ang nagkalamatay nga baboy sa amo nga adlaw.
Antes sina, 67 ang na record nagkalamatay nga baboy tuga sang nagkalain-lain nga balatian.
Suno kay Governor Eugenio Jose Lacson, naga panubo ang nagakarecord swine deaths, gikan sa tatlo ka digit sadto, kag may tion pa nga naga dangat sa tig 400 ka baboy ang nagakapatay sa kada adlaw.
Nagapabilin naman sa 20 ang mga banwa kag siudad nga nag record sang swine deaths.
194.6 million pesos ang balor sang kahalitan nga natuga sang hog deaths.
3,969 naman ka mga hog raisers ang apektado.
Nagahulat na lamang sang petsa ang gobernador kun san-o masuguran ang pag panagtag sang assistance para sa mga backyard hog raisers nga apektado sang hog deaths.