Digicast Negros

Nagdangat sa P15M ang halit sang kalayo nga naglamon sa isa ka eskwelahan sa Amlan

Jeson Bendaño, Ricard Hapson photos

Nagdangat sa P15 Million ang danyos sang sunog sa Amlan Central Elementary School, sakop sang Barangay Mag-abo sa banwa sang Amlan, Negros Oriental sang Sabado.

Ginlamon sang kalayo ang Gabaldon School Building nga may yara sang lima ka mga classrooms, isa ka district office, isa ka principal office kag conference room.

Ginsiling ni Fire Officer 2 Ian Asentista, chief of investigation sang Amlan Fire Station, nagdangat sa 3rd alarm ang sunog.

Nagresponde sa sunog ang masobra viente ka mga fire trucks kag tankers gikan sa nagkalain-lain nga fire stations sa Amlan, San Jose, Tanjay, Sibulan, Dumaguete kag mga DRRMO.

Naglawig sang masobra isa ka oras ang firefighting operations tubtob nga nadeklarar ang fire out mga pasado las dos sang hapon.

Suno kay Asentista, may kabudlayan ang mga bombero sa pagtapna sang kalayo tungod sa mabaskog nga hangin, Magluwas sina, malaba kag takladon ang dalan, nga mabudlay sudlon sang dalagko nga mga fire trucks.

Wala sang may nasamaran ukon napatay sa insidente.

Padayon pa ang imbestigasyon sa gintunaan sang sunog.

“Yung result is wala pa po. Currently under investigation pa po yung result. Tsaka hindi po namin alam kung kailan lalabas yung result kasi region na po ang may jurisdiction. Sila na po ang nag-investigate.. Kasi lahat po ng government property especially yung mga educational, mga schools, region na po ang mag-investigate,” suno kay Astentista.

[sibwp_form id=1]
Exit mobile version