Libre sakay iga-hatag sang siudad sang Bacolod sa mga empleyado kag iban pa nga pasahero nga maapektuhan sang pag untat biyahe.
Ang mga vaxi bus ang pila lang mga salakyan nga gamiton sang Bacolod City Government para maghatag sang libre sakay sa mga empleyado sang siudad kag iban pa nga pasahero nga sarang maapektuhan sa duha ka adlaw nga untat byahe sugod sa Lunes.
Suno kay City Administrator Edward Joseph Cuansing, may napulo sila ka mga pick-up points, nalakip na diri ang public plaza nga gintalana para makasakay sang libre ang mga pasahero.
Ginsiling ni Cuansing nga ginakinahanglan nga mapadayon ang pagserbisyo sang siudad sang publiko bisan pa ipatuman sang transport sector ang pag untat byahe.
Ang Kapitolyo Probinsyal ang maga pa siguro man nga may masakyan ang mga empleyado sini padulong sa tagsa nila ka opisina sa natalana nga untat biyahe sa madasun semana.
Suno kay Provincial Administrator Rayfrando Diaz magluwas sa mga sa salakyan sa idalom sang Capitol Cab Service gamiton man ang mga bus para may masakyan ang mga empleyado.
Maga identify ang probinsya sang mga pick-up points para sa mga empleyado sini.
Samtang, suno kay Diaz mga energy saving measures ang madugay na nga na patuman sang probinsya agudto makakinot.
Sa tunga sang pagtimbuok sang presyo sang produkto petrolyo gina haylo ang carpooling kag pag paiway sang indi importante nga mga biyahe.