Na-dismiss nga pamuno sang Department of Public Services naghinyo nga mapanubuan ang pamatbat batuk sa iya matapos mag submit sang motion for reconsideration.
Biyernes sang napalab-ot ni Ramel Palalon, anay pamuno sang DPS, ang motion for reconsideration sa dismissal order gikan sa City Legal Office.
Ini may kaangtanan sa kaso nga grave misconduct kag gross neglect of duty nga ginpasaka batuk sa iya angut sa pagpatughong sang krudo sa heavy equipment sang siudad nga gubaon kag wala na ginagamit.
Ginhinyo ni Palalon nga mapanubuan ang pamatbat sa iya matapos man gin ako ang pag-issue sang cheque para sa krudo nga naglab-ot sa masobra P50,000.
Kasubong ni Palalon naka file naman sang motion for reconsideration ang driver sang heavy equipment nga si Darwin Cardones nga ginpapanaugan sang 6 months suspension.
Ginpahayag ni City Legal Officer Romeo Carlos Ting, Jr. nga sa Biyernes mahimo siya mag-issue sang opposition sa motion ni Palalon.
Si Palalon ang ginbuslan ni Ma. Fe Tresfuentes bilang OIC sang DPS kag ni Engr. Joel Vergara nga nagtal-os sa iya anay concurrent position bilang Environment and Natural Resources Officer.