Muddy stream flow sa Tamburong Creek sa Brgy BiaknaBato sa La Castellana ang gin-report sang pila ka mga mga pumuluyo.
Sa post ni Mj Guardiano, makita ang muddy stream flow sa Tamburong Creek, mga las 2 sang hapon sang Hunyo 8.
Suno kay John BF de Asis ang Disaster Risk Reduction Officer sang La Castellana ini ang ila na nga na-report.
Mahimo suno kay de Asis, gikan pa ang abo sa mga daan na nga pag buga sang bulkan Kanlaon. Kay sini man lamang nag sugod ang pag ulan, mahimo nga nadala na ini sang tubig ulan.
Sa ila nga pag monitor, may mga tion sa nagliligad pa nga inadlaw nga naga daludo pero wala man sang reported nga kahalitan ini nga natuga sa mga komunidad sa palibot.
Mga duha ka semana na nga naga ulan-ulan man sa La Castellana.
Pero sa gihapon padayon ang pag abiso sang DRRMO sa pumuluyo nga indi mag kumpiansa kag mangin alerto sa tanan nga tion labi na nga naga pabilin sa state of unrest ang bulkan Kanlaon.
“In coordination with the barangay, constant monitoring kag coordination, constant warning sa mga residents namon nga ara sa areas nga may affectation, not be complacent. Indi mag kampante. I-ready gid nila ila selves anytime”, suno kay De Asis.*
[sibwp_form id=1]