Arestado ang isa ka babaye nga gina siling miyembro sang Caunda Drug Group sa buy-bust operation sa Kabugaw St., Gardenville Subdivision, Brgy Tangub, Bacolod City, kahapon.
Ginkilala ang High Value Indidual nga si alyas “Lot/Zen”, 48 anyos, kag residente Purok Mainuswagon, Barangay 30, Bacolod City.
9:40 kagab-i sang ginsulod ang ila nga balay sang Bacolod City Police Office-City Drug Enforcement Unit kag CIU Operatives.
Suno kay Police Captain Joven C Mogato, hepe ng CDEU-BCPO, nakuha kay “Lot/Zen” ang 97 gramos nga suspected “shabu” nga naga balor sang Php 659,600.00.
Suno pa kay PCapt. Mogato, na-recover sa suspek ang isa ka pouch, isa ka one-thousand-peso bill nga nagserbe buy-bust money, kag Php 150.00 nga gina patihan proceeds.
Detained sa Bacolod City Police Station 8 ang suspek kag magapangatubang sang kaso nga pagsupak sang RA 9165 ukon Comprehensive Dangerous Drugs Act of 2002.