Ginpahayag ni Bacolod City Mayor Greg Gasataya nga sa Mayo 15, magasugod na ang pag release sang mga mid-year bonuses sang mga empleyado sang siudad.
Isa ka bulan nga sweldo ang mabaton sang mga regular, plantilla kag appointed employees sang siudad kag tax free ini suno sa alkalde.
Nagpasalig man siya nga may ara man sang ihatag nga bonus ang siudad para sa mga job order employees, apang wala pa matumod kon pila ang kantidad.
Dugang sang alkalde, ini ang pamaagi sang gobyerno agud mapabatyag sa mga empleyado nga ginahatagan sila sang importansya.
Ginmanduan na ni Gasataya ang mga department heads nga sugudan na ang pag proseso sang mga dokumento sang mga empleyado agud tigayon na nga mahatag ang ila mga mid-year bonuses sa tunga-tunga sang sini nga bulan.*
[sibwp_form id=1]