Makita sa video nga gin post sang Silay PNP nga ang mga residente sang siudad ang naga lakat sa dalan nga naga arms forward, ala zombie, samtang sila ang naga sunod sa naga dalagan nga patrol car sang PNP.
Ini nga mga residente ang gindakop sang kapulisan bangud sang pag lapas sang City Ordinance Number 3 Series of 2020 ukon ang indi pagsuksok sang facemask.
Matapos sang pag panglakaton.. sila ang nag atubang naman sa isa ka lungon sa sulod sang gym sang siudad. Gin pahayag ni Police Major Rolly Pondevilla, hepe sang Silay PNP, nga ini ang ila gina himo para mag serbe nga leksyon sa mga violators.
iImbes abi nga kasuhan, bilang first offense ginpakamaayo sang pnp nga i seminar na lang sila angut sa importansya sang pag sunod sang minimum health standards. Halin sa police station, sila ang gin pa arms forward pakadto sa gym para mag observe sang social distancing kag gin paatubang sa lungon nga kuno ila dangatan kun padayon sila nga mag lapas sang ordinansa ilabi na subong nga pandemic
“Aton sina purpose man, to remind them nga dapat mag halong sila sa subong nga situation because waay pa man ni madula ang pandemic, so gina seminar ta sila at the same time gina remind ta sila nga kun indi sila mag halong kag kun may ma disgrasya sa ila dira gid sila ma tupa sa lungon,” suno kay Pondevilla.
Regular ini nga gina himo suno kay Pondevilla sa mga violators para sila ang indi na mag liwat pa kay kun padayun sila nga mag lapas sang ordinansa suno kay Pondevilla, sila ang kasuhan na sang PNP.