Mga market vendors nga ginpangkakas sa pwesto sa sidewalk malapit sa Libertad Market ang nagsulong sa Bacolod Mayor’s Office sang kahapon.
Naghinulat sa gwa sang City Mayor’s Office ang mga vendors gikan sa Amelia kag Margarita Street sa Bacolod nga ginpang kakas sa sidewalk sang City Legal Office sang tinalikdan nga semana.
Nag ayo sila nga maka istorya sa kay Mayor Albee Benitez. Nagwa ang alkalde kag gin ayo sila nga mag hulat hulat lang kay may naka schedule pa ini nga press conference. Pagkatapos sang press conference sila naman ang ginpasulod kag gin istorya sang alkalde sa isa ka closed door meeting.
Isa sa mga nakig sugilanon sa kay Mayor Benitez amo si Romeo Monte nga taga Moises Padilla pa kag naga baligya sang mga utan sa higad sang karsada malapit sa bagsakan. Luyag niya kuntani mapabalik sila sa higad sang dalan kay wala gid siya sang income.
Kaina nagpagwa ang alkalde sang official statement angut sa natabo nga dialogo kahapon. Suno sa kay Benitez nahangpan niya ang sitwasyon sang mga vendors pero kinahanglan nga sundon ang laye.
Pangitaan sila sang iban nga pwesto kay indi sila pwede sa higad sang karsada kay iligal ang pagbaligya diri. Inskato nga solusyon sa problema ang luyag itanyag sang alkalde sa ila.