Mga twerka sang streetlights sa BANOCEH ginapatihan ginpangkawat.
Wala na sang mga twerka ining pila ka mga streetlights sa Bacolod Negros Economic Highway ukon BANOCEH nga ginakahangaw-an sang mga nagalinabay nga motorista nga sarang matumba kag halinan sang aksidente.
Gani ginmanduan ni Bacolod DPWH officer-in-charge Engr. Leah Jamero ang contractor sang proyekto nga pang-ilisan ang ginapatihan ginpangkawat nga mga twerka.
Gindugang ni Jamero nga mahimo indi lang mga twerka ang tuyo sang mga responsable sa pagpangawat pero pati na ang mga suga sa mga poste.
Nagpanugyan siya sa contractor nga ipang-welding ang mga twerka agud mapaiway ang pagpangawat.
Nagpasalig man siya sang hugot nga monitoring sa BANOCEH samtang nagapadayon pa ang construction kag pag-develop sang dalan nga naga-angut sa Sum-ag pakadto sa Bacolod – Silay Airport Access Road sa Talisay City.