Temporaryo nga gina dumilian sang lokal nga panguluhan sang sagay ang pagsulod sang mga turista kag mga bisita sa Barangay Vito sumugod Abril 30 tubtob Mayo 2.
Ini may kaangtan sa pagsaulog sang kapistahan ni San Vicente Ferrer nga ginasaulog mayo uno kag dos kag humalin pa man sadto ang ginadugok sang mga tumuluo nga gikan sa nagkalain lain nga mga siudad kag banwa sa probinsya bisan pa gani sa kaiping nga isla.
Gin pa gwa ni Mayor Alfredo Maranon the third ang executive order sang Lunes nga naga mando sang temporaryo nga pag ban sang mga bisita kag turista sa tatlo ka adlaw.
Tinutuyo sang EO nga malikawan ang posible paglapta sang COVID-19 suno kay Maranon.
Essential travel lamang ang paga tugutan sa amo nga barangay sa amo nga mga petsa kag ang pagbisita sa mga himata ang gina kabig non essential.
Ang mga pumuluyo lamang sang barangay ang sarang maka tambong sa natungdan nga religious activity kag dapat sundon ang minimum health protocol lakip na ang pagpatuman sang 30 percent seating capacity lamang sa sulod sang simbahan.
Tigaylo suno sa alkalde magtambong na lamang sa online mass.