Isa ka construction worker ang naka kutkut sang mga tul-an sang isa ka persona sa talamnan sang saging sa Sitio Tambacan Barangay 1, Bais City sa Negros Oriental.
Suno sa Bais PNP, posible tul-an sang isa ka babaye ang nakit-an kay may panty kag bra pa ini, may singsing nga pang babaye kag kulintas.
Nadeparahan man nga may braces pa ini gina usisa na sang PNP kun bala ini siya ang missing nga babaye sang mag igo ang bagyo nga Odette sa Negros sang Disyembre sang nagligad nga tuig. Ang amo nga babaye ang gina siling nga na anod sang tubig baha.
Sang nagligad nga bulan sang Hulyo, may mga tul-an man nga na ukayan sa gina himo nga swimming pool sa Bolocboloc sa Sibulan sa Negros Oriental.