Gina-usisa sang Police Station 5 kun bala ang nasapwan nga mga tul-an sang tawo sa Hacienda Garcia sa Brgy. Alangilan sa Bacolod amo ang mga tul-an sang tatlo ka persona nga missing sa Brgy. Mansilingan.
Suno kay Police Captain Portia Nillosan, hepe sang Police Station 5, ipadala sa forensic unit sang PNP ang mga nasapwan nga mga tul-an para ma-examine kag matumod ang identity.
Subong may mga pamilya na nga naga palapit sa ila para mausisa ang mga tul-an.
Isa na diri ang pamilya sang na missing nga persona sa Barangay Mansilingan.
Sang Nobyembre 12 sang nagligad nga tuig may una na nga nakita nga mga tul-an sang tawo sa amo man nga area kag tubtob subong wala pa makilala kun sin-o yadto.
Kahapon duha ka set sang mga tul-an sang tawo naman ang nasapwan sang trabahador sa kampo.
Tatlo man tanan ka mga persona nga taga Mansilingan ng na missing matapos gin alegar gin abduct sang nagligad nga tuig kag tubtob subong wala pa gid sila makit-an.