Ang kadyos babay langka ukon kbl, pangat, laswa, ang pila lamang sa mga dinumaan nga paborito nga pagkaon sang mga Negrosanon.
Ini ang mga makabig naton nga mga recipe nga gina pasa sa aton gikan sa aton nga mga kalolohan.
Suno sa kay Reena Gamboa, ang presidente sang Slow Food Community of Negros, ang pagduso sang manamit kag matinlo nga tradisyonal nga mga pagkaon ang adbokasiya sang Slow Food community.
Luyag nila nga maga pabilin ang traditional recipes kay basi madula na ini.
Gani isa ka cook book ang ila nga gin lunsar nga gintig-uluhan negrense heritage cooking. makita sa sini nga cook book ang nagkalain lain nga mga recipe sang mga tradisyonal nga pagkaon sang mga Negrense kasubong sang alupi, ibus, dulsi gatas, pata humba, puso ensalada,pangat, abalong, laswa kag madamo pa sang iban ang sarang makita diri.
Indi lang recipe ang luyag nila itudlo luyag nila nga i preserve ini kag mangin lifestyle na sang mga Negrense.
Sa paglunsar sang libro kaina dinapit nga bisita si Toursim Secretary Bernadette Romulo-Puyat.
Ang cook book ang sarang ma order sa ila Facebook page nga Slow Food Negros.