Mga manunudlo, engineers posible nga kulangon epekto sang education crisis nga tuga sang pandemic.
Ang reading literacy kag numeracy program para sa primary education, ilabi na sa mga estudyante sa grade 1 asta grade 3 ang pila lang sa mga kabudlayan nga ginapangatubang karon sang Department of Education tuga man sang epekto sang Covid-19 pandemic.
Nagalab ot ang learning deficiency sa resulta sang International Assessment Test sang mga estudyante sa secondary level ukon high school.
Bilang member sang house education committee, ginduso ni 3rd District Rep. Francisco Benitez ang EDCOM II ukon ang congressional committee on education nga amo ang magabalay sang mga polisiya kag ginakinahanglan nga intervention para matagaan ang mga kakulangan sa bahin sang educational system sang pungsod.
Nalakip diri ang pag review sang DepEd, Commission on Higher Education kag Technical Education And Skills Development Authority ukon TESDA.
Ang problema sa edukasyon ang maka apekto man sa kadamuon karon sang medical professional, mga engineers kag bisan manunudlo nga amat amat na ginakulang suno kay Benitez.
“Its going to be a brain drain and its remains to be seen whether Philippines can regain competitive advantage…” suno kay Benitez.