May pila na ka mga sentral nga maga abri galling sini nga bulan sang Agosto, bagay nga ginapasalamatan sang bise gobernador.
Naga laum si Vice Governor Jeffrey Ferrer nga ang temprano nga pag bukas sang mga sentral maga sabat sa kakulang sa supply sang kalamay sa karon. Damlag pa nag panawagan si Ferrer sang temprano nga pagbukas sang galling sa tunga sang naga gwa nga sugilanon nga may gina lantaw nga sugar shortage sa pungsod.
Ginakalipay niya nga nag responde ang mga sugar mills sa amo nga panawagan. Iya man gina lantaw ang pagsanyog sang lokal nga ekonomiya.
“I made that appeal a couple of months ago when there were rumors of perceived sugar shortage in the country. And I am very much appreciative that our sugar mills responded favorably. With this, we hope we have contributed to resolving supply issue and in turn, we will also be seeing growth in our local economy”, suno kay Ferrer.
Dugang pa ni Ferrer ang temprano nga pag sugod sang milling season ang maga hatag sang bulig sa kagastuhanan sa nagsanto nga pagbukas sang klase.
“They have one less problem with additional expenses especially since some schools are now going to conduct face-to-face classes”, dugang ni Ferrer.
Pila sa mga sentral nga nag anunsyo na sang ila nga pag bukas suno sa bise gobernadora amo ang First Farmers, Hawaiian Philippines Company, Victorias Milling Company, URC La Carlota kag Sagay Central.