Digicast Negros

Mga opsiyal sang EOC maga biya sa pwesto kun mag sugod na ang local campaign period

Indi na luyag pangunahan ni Em Ang, executive director sang Bacolod Emergency Operations Center kun sino ang magatal-us sa iya sa pwesto antes pa man magsugod ang local campaign period sa marso 25.

Suno kay Ang, may igatalana na si Mayor Evelio Leonardia nga magabulos sa iya kag kay Dr. Chris Sorongon nga deputy for medical data and analysis.

Sanday Ang kag Sorongon ang lunsay nagapapili konsehal sang siudad sa idalom sang Grupo Progreso.

Para kay Ang nga anay city administrator, nangin dako nga challenge para sa iya ang mag serbe bilang volunteer sa eoc karon nga pandemic.

Suno kay Atty. Revo Sorbito, acting Comelec-Bacolod officer, nakasaad sa Comelec resolution nga ginakabig resigned sa pwesto ang tanan nga mga appointed government officials sa tion sang ila pag file sang Certificate of Candidacy. Ini sa tuyo man nga indi nila magamit ang posisyon para sa kampanya.

Exit mobile version
Skip to toolbar