Nagtipon ang mga opsiyal sang Third District kaupod ang tiglawas kag mga opsiyal sang DPWH, DENR kag disaster teams para talakayon ang problema sa kada banwa kag siudad kag kun ano ang nangin kabangdanan sa pagbaha sang New Year’s Day.
Gina lantaw nga mga rason sa pagbaha ang pagdungan sang mabunok nga ulan kag high tide nga gin palala pa sang mga nasupon nga mga basura sa drainage system kun basehan ang report sang Talisay, Silay, Victorias kag EB Magalona.
Si Victorias City Mayor Wantan Palanca nag pangabay sa gobernador kun mabuligan sila sa pagbakal sang dredging machine.
Ang gobernador nagsiling nga sa iya pag lantaw ang Talisay, Silay kag Victorias ang kinahanglan nga mag bakal sang ila kaugalingon nga mga dredgers.
Ang dredging ukon pagpadalom sang suba, ang paghimo sang pika pika sa kilid sang mga suba kag pag hawan sang mga illegal settlers sa mga alagyan sang tubig pati na ang basura ang nakita ni Third District Congressman Kiko Benitez nga mga solusyon para mapa hagan hagan ang pagbaha sa ila nga distrito.
Dugang pa niya, dapat na nga mangin parte sang pagplano ang naga katabo nga climate change. Ang pagsinapul kaina ang panugod pa lang sang mas madamo nga pagpang handa nga dapat himuon.
Naga pati si Benitez nga masarang sang mga lgu ang magbakal sang dregding machine pero samtang wala pa, magabulig ang DPWH sa kada lgu sa dregding sang mga suba.
Bwas nga adlaw suguran ang dredging sa Victorias City.