May mga napulo tanan ka entry points sa 6 kilometer danger zone sa bulkan Kanlaon ang maid-id nga gina monitor sang Regional Incident Management Team.
Suno kay Regional Task Force Kanlaon head, Raul Fernandez, gina tutukan karon sang Regional Incident Management Team ang mga checkpoints para mapasiguro nga istrikto ang pag patuman sang no entry sa lugar.
May anum ka mga entry points sa Negros Occidental nga bahin kag mga tatlo tubtob apat naman sa Negros Oriental.
Sa kalapad sang lugar suno kay Fernandez indi man gid nila lubos mapasiguro nga mapaiway ang extended 6 km danger zone gikan sa human activity.
Suno kay Fernandez maga abiso lamang sila liwat kun sarang naman matugutan ang mga mangunguma sa pagsulod sa 6am to 4pm nga window para sila ang maka tatap man sa ila kasapatan kag kaumahan.
Suno kay Fernandez sa karon indi pa nila makabig nga nag normalize na ang sitwasyon sa bulkan gani nagakaigo nga temporaryo nga ipaiway ang pagsulod sa 6km danger zone.
Sa May 28 nga bulletin sang Kanlaon, 22 ka volcanic earthquakes ang na-record kag 947 ka tonelada sang sulfur dioxide flux.
“Yung RIMT natin yun ang nagiging focus nila, binibisitahan nila yung border controls reminding yung border control personnel natin to strictly enforce yung, as of now, no human activity inside the 6km radius extended danger zone”, suno kay Fernandez.