Nag pa gwa na sang advisory si Binalbagan Mayor Alejandro Mirasol nga kutob sa mga naga negosyo sa Sitio Hermit sa Barangay Biao ang kinahanglan na nga magkuha sang business permit.
Required na ang mga ambulant vendors ukon ang mga naga libod sang pagkaon nga magkuha sang business permit gikan sa Business Permit and Licensing Office sa LGU sang Binalbagan. Ini ang gin anunsyo sang alkalde subon nga nga adlaw.
Kinahanglan anay magkuha sang barangay clearance antes maka proceed sa business permit. Sang weekend nagdagsa ang mga tawo sa area para masaksihan ang matahum nga view sang Barangay Biao. Pagka Lunes nagpaandam ang alkalde nga indi pwede ang pagpilak sang basura bisan diin lang.
Nagpaandam man siya nga kun mag sige-sige ang pamilak sang basura bisan diin, mapilitan siya nga sirad-an ang lugar kag mga taga Binalbagan na lang ang tugutan magpamasyar didto