Mas ginapabaskog karon sang talatapan sang Provincial Veterinary Office ang pag monitor sa mga balatian sa kasapatan kasunod sang ginreport nga pagkalamatay sang mga manok sa banwa sang La Castellana.
Suno sa Provincial Veterinary Office, may 72 ka mga gin-report napatay nga manok bangud sang New Castle Disease, ukon aratay sa Barangay Sag-ang.
Nagpatigayon na sang lecture ang Veterinary Office agudto matudluna ang mga poultry raisers sang ila nga himuon kun maglala ang sitwasyon. Nalakip na diri ang pag isolate sang mga nagamasakit nga kasapatan agudto indi na makalaton pa sa iban.
Gin-abisuhan man ang poultry raisers nga mag patigayon sang regular nga disinfection sa lugar kag mag hatag sang bitamina.