Site icon Digicast Negros

Mga mangingisda naka rescue sang lalaki nga nahulog sa roro vessel

Mga lima ka oras nga nag utaw utaw sa tunga sang lawod sa tunga sang Negros kag Guimaras ang 28 anyos nga call center agent nga si Michael John Balsomo.

Nagwa siya sa pasenger area para magpa hangin apang nadanlog kag nahulog sa baybay.

Ala una sang hapon siya nahulog mga las sais sang gab-i natabuan nga nagub-an sang makina ang fishing boat ni Romy Palomo.

Natabuan nga na aberya ang pumboat nga gina sakyan sang apat ka mangingisda malapit sa nahamtangan ni Michael.

Kun wala si Michael nag ubo, wala man sila maka depara nga may tawo gale nga naga lutaw malapit sa ila.

Nagbaliswa ang biktima kag nagpanghawid sa katig sang bangka kag nag sakay.

Didto na kag na istorya sa ila ni Michael ang natabo nga nahulog siya sa roro. Call center agent ang biktima sa Mandurriao sa Iloilo kag papauli kun tani sa Negros.

Residente siya sang Barangay Balicotoc sa banwa sang Ilog.

Gin istorya niya sa mga mangingisda nga indi siya kabalo mag langoy pero may nabatian siya nga tingog nga naga hambal sa iya nga ihumlad lang ang mga kamot para maglutaw siya sa tubig.

Dugang pa ni Romy, sang maka saka na sa bangka, indi maka pati ang 28 anyos nga buhi pa siya

Ginilisan siya nila sang bayo kag ginpapanyapon antes nagdunga sa Pta Taytay sa Bacolod. Gindala siya sa barangay hall kag didto na siya ginkuha sang Police Station 9.

Ginsugat na siya Sang kagab-i sang iya pamilya. Antes siya nagbiya sa sini nga mga mangingisda, nag siling siya nga liwat siya nga maga balik para magpasalamat sa ila!

Exit mobile version
Skip to toolbar