Provincial Health Office ang maga tutok sa mga lugar nga may below 50 percent sang target population ang nabakunahan.
Bisitahan sang PHO ang ini nga mga banwa agudto mabuligan sila paayo sang ila nga vaccination program suno kay provincial administrator Rayfrando Diaz.
Sa January 13 nga report sang PHO, ang banwa sang Calatrava, Moises Padilla, Toboso, Manapla, San Carlos kag Cauayan ang may below 50 percent sa target population nga nabakunahan.
May napulo naman ka mga LGU nga masobra sa 70 percent sang target population sini ang naka baton sang at least one dose sang bakuna kag sa gihapon ang siudad sang La Carlota ang naga panguna 116.52 percent.
Sa kabilugan, sa January 14 nga report, 52.08 percent ukon 950,690 sa target population nga 1,825,370 ang fully vaccinated.
Pebrero ang target sang probinsya nga malab-ot ang herd immunity.
Padayon naman ang paghatag sang booster shots.
Suno kay Diaz, kun may mga establisimiento nga naga request sang booster shot sa mga katapo sini nga masobra sa 100 ini ang gina cater sang probinsya.