Kiosko nga wala nag extend negosyo sang MassKara Festival pero may gin endorso nga food vouchers ginatugyan na sang City Legal Office sa alklade.
Ginkumpirmar ni City Legal Officer, Romeo Carlos Ting, Jr., nga may kiosko nga nagtinguha mag redeem sang mga food vouchers bisan pa nga nanirado na ini antes sang October 31.
Ginpayahag ni Special Assistant to the Mayor Mae Cuaycong nga kutob lang sa mga kiosko nga nag operate sang ginpalawig ni Mayor Albee Benitez ang Masskara Festival ang pwede makagamit sang mga food vouchers.
Gani ginpahayag ni Ting nga ila na lang itugyan ang desisyon sa alkalde kun tagaan konsiderasyon ang mga wala na nag-operate para makapabaylo sang nakolekta nga food vouchers.
Tagsa ka voucher ang nagabalor P200. May P2.5M nga donasyon si Mayor Albee para sa mga kiosks renters paagi sa mga food vouchers sa tuyo nga makabawi sila sa epekto sang Bagyo Kristine sang ginsaulog ang tuigan nga festival.