Ang ini nga mga sigabong sang kanyon ang liwat nga mabatian sa dalanon sang Bago City bwas aga.
Ini ang pagdumdum sang kadalag-an sang mga negrense nga soldado kontra sa mga espanyol nga nag isol sang makita ang mga kanyon sang mga Negrense.
Lipod sa ila ihibalo himo lang gali sa amakan ang mga kanyon pero ini ang naghilway sa probinsya sadtong 1898. Bwas liwat ini nga masaksihan sa pagsaulog sang Al Cinco de Noviembre.
Kagabi gin suguran na ang selebrasyon pinaagi sa pag pakita sang mga natural wonders sang bago sa bantayan park kun sa diin gin pakita sa publiko ang litrato nga kuha ni Engineer John Kimwell Laluma nga isa ka kilala nga landscape photographer.
Suno sa City Environment Management Officer sang Bago nga si Vicente Mesias gin tanyag ni Laluma ang iya nga serbisyo sang libre para mapakita ang katahum sang kagulangan sang Bago.
Para kay Laluma makapoy kag indi basta basta ang ila inagyan para lang makuhaan sang litrato ang mga busay kag kagulangan sang Bago pero worth it ang tanan bisan pa ang anum ka oras nga lakat para malab-ot ang hardin sang balo nga para sa iya pinaka paborito niya nga subject sa Bulkan Kanlaon.
Ang iya nga exhibit ang makita sa bantayan park bilang kabahin sang Al Cinco de Noviembre sang Bago City.
Samtang sa bwas may awarding sang mga cheke sa mga beenpisyaryo sa Capitol Lagoon bilang selebrasyon naman sang probinsya sang Al Cinco de Noviembre.