Ginatalakay sa karon kun bala ang mga nag pinauli gikan sa evacuation center sa banwa sang La Castellana ang malakip pa sa assistance nga iga hatag sang mga national agencies.
Martes suno kay Office of the Civil Defense Regional Director, Donato Sermeno, III, nagsapol ang Regional Inter-agency Coordinating Cell kag gintalakay kun bala masakop sa gihapon sa assistance ang yadtong nagbiya na sa mga evacuation center.
Suno kay Sermeno ehemplo diri ang livelihood ukon cash for work assistance sang Department of Social Welfare ang Development sa idalom sang Project LAWA and Binhi.
Sa project proposal sang ahensya damlag pa, nalakip pa diri ang 1,850 ka mga pumuluyo nga taga Brgy Cabagnaan nga sang nagliligad lamang nga semana ang nagpauli na sila nga mga balay.
Suno kay Sermeno, desisyonan pa sang DSWD kun ang mga nag pauli madala pa.
Paathag niya, technically kun sila ang nag pauli na indi na sila makabig nga internally displaced individuals.
Nagpadulong man sang DSWD sa La Castellana para talakayon man ini.
May mga 1,300 pa ka persona sa karon ang nabilin sa mga evacuation center sa La Castellana.
“May nag balalik, ang sa Cabagna-an. Gin discuss namon kun ini bala ma cover pa sila sang mga assistance nga i-provide sang National Agencies. Like for example ang project sang DSWD. May proposed livelihood assistance – ang cash for work nga ihatag si DSWD. Ang una niya nga estimated number of beneficiaries may discrepancy na. Kay may nag palauli. So gin balik naman ang proposal sa central office nila for appropriate action, kay amo na gani affected na ang number beneficiaries”, suno kay Sermeno.
