Digicast Negros

Mga health workers gina training na para sa pagbakuna sa mga kabataan

Training ginsuguran na para sa katapo sang vaccination team nga maga-administer sang bakuna para sa 5-11 year old sa Bacolod.

Reformulated ang supply sang Pfizer Covid-19 vaccines nga gintalana para sa pediatric vaccination sang Bacolod sa mga naga-edad 5-11 year old.

Para sa pamunuan sang Department of Health, isa ka pagtilaw ang vaccination program para sa mga magagmay nga kabataan ilabi na nga kadam-an sa ila ang may kakulba sa pagpabakuna.

Gani ginsugdan naman sang Bacolod Emergency Operations Center ang training sang mga nurses kag midwives nga katapo sang vaccination team nga amo ang maga-administer sang bakuna para sa mga 5-11 year old.

Suno kay Dr. Edwin Miraflor,officer in charge sang City Health Office, may panibag-o nga procedure kag handling para sa pediatric vaccination amo nga kinahanglan man mahanas ang team para sa natalana nga vaccination program sa Lunes.

Sa sini nga Byernes natalana naman ang pag-abot sang kapin dies mil ka doses sang Pfizer Covid-19 vaccines para sa mga magagmay nga kabataan.

Exit mobile version
Skip to toolbar