May mga gina tago ka bala nga sinsilyo? Gina haylo sang Bangko Sentral ng Pilipinas nga pabayluhan niyo ini. Tubtob bwas nga adlaw, Sabado, ang BSP Piso Caravan sa Robinsons Place Bacolod.
Suno sa BSP tinutuyo sini nga ma promote ang recirculation sang mga coins paagi sa pag flush out sang mga idle coins nga sa masami yara na lamang sa tagsa ka mga bulutangan.
Tuyo man sini nga ma pabakod pa gid ang pag patuman sang BSP Clean Note and Coin Policy.
Wala labot sa coins pwede man mapailisan ang mga dunot nga papel nga kwarta sa idalom sang new banknote series sa bag-o nga banknotes gikan sa BSP.
Kaangay sini nga persona nga may 3,500 pesos nga natago kag naanayan.
Tigayon na kambyuhan sang bag-o nga papel nga kwarta.
Sa advisory sang BSP ang mutilated nga kwarta – ehemplo nasunog, may buslot ukon gisi, ayhan naka tape, ang pwede nga mabayluhan kun may 60 percent pa ang nabilin nga parte, may nabilin pa na parte sang pirma kag may yara pa sang security thread.
May personnel ang BSP nga naga assess kun may value pa ang gindala nga mga coins ukon banknotes.
Samtang, mahimo man makabukas sang digital wallets, online bank accounts ukon basic deposit accounts sa mga naga pakigbahin sa nga financial service providers.