Site icon Digicast Negros

Mga estudyante nga makigbahin sa face to face classes sa 70 ka eskwelahan sa Bacolod dapat vaccinated

Nagapanimahu na ang floor wax sa mga hallway sang Mabini Elementary School.

Masako naman ang pagpaminta sang mga alagyan kag ang pagpanglimpyo sang iban pa nga pasilidad sa buluthuan.

Ang Mabini Elementary School isa sa stenta ka mga buluthuan nga nagalaum makabalik na sa pagpatuman sang limited face to face classes karon nga napaidalom ang Bacolod sa alert level 1.

Sa meeting sang katapo sang Local School Board upod sa Emergency Operations Center ginpatpat ang mga parameters kag iban pa nga requirements agud mapasiguro nga mapunggan ang paglapta sang Covid-19 kun ma-aprobahan ang hinyo sang mga eskwelahan.

Sa mabini elementary school, may otsenta ka mga kabataan ang natalana magbalik sa classroom sang kinder, grade 1 asta grade 3 antes matapos ang bulan sang Marso.

Suno sa principal nga si Aquilino Gensoli, isa sa ila kabudlayan amo ang pagpabakuna sa mga kabataan ilabi na nga ginakulang man ang vaccine para sa 5-11 year old.

May mga iloy kag guardian sang mga estudyante sa eskwelahan nga naga ayo naman nga kuntani mapahanugutan ang ila kabataan nga makatambong sa face to face classes bisan unvaccinated.

Si Department of Education Secretary Leonor Briones nagpahayag nga boluntaryo ang pagpabakuna para sa mga kabataan nga luyag magbalik para sa face to face classes.

Pero suno kay Councilor Renecito Novero,pamuno sang committee on education sang konseho, nakasugtan sang katapo sang Local School Board nga dapat nakapabakuna ang mga kabataan nga magatambong sa face to face classes agud man mapangapinan sila batuk sa Covid-19.

Indi maglapaw sa dose ang mga estudyante sa classroom sa kindergarten, 16 lang sa elementary kag 20 sa high school.

Na gwa man sa record sang Emergency operation center nga may shiento otsenta pa ka mga manunudlo kag school staff sa pampubliko nga eskwelahan sa siudad ang unvaccinated.

Ini karon ang ginahaylo sang katapo sang Local School Board nga magpabakuna agud nga mapangapinan sila kag ang linibo pa nga nila nga mga kaupdanan kontra sa virus.

Nagapahanumdom man ang EOC sa publiko nga sa pihak sang paghalog sang mga pagsulundan sa idalom sang alert level 1 ginakinahanglan gihapon ang strikto nga pagpatuman sang minimum health protocol.

Exit mobile version
Skip to toolbar