Sa pagbisita ni Toursim Secretary Bernadette Romulo Puyat sa Silay City kaina, isa sa mga gin istoryahan nila ni Negros Occidental Governor Eugenio Jose Lacson amo ang singko mil pesos nga cash grant para sa mga empleyado sang mga nagkalain lain nga mga establisimento sa idalom sang tourism industry kasubong sang mga hotel, souvenor shops kag restaurant.
Suno sa kay Romulo-Puyat indi pa tanan nakahibalo nga may yara sang amo nga grant gani luyag nila ini iapalab-ot sa mga lgu sa mga probinsya.
Naga lakip ini sang mga empleyado nga bisan pa nakabaton na sang grant sa iban nga ahensya pati na ang naka balik na sa trabaho pero indi pa sa gihapon full time ang trabaho.
Pati ang tour guides nalakip man diri.
Ini sa idalom sang Bayanihan 2 nga mas ginpalawig tubtob hunyo.
May gina tanyag man ang DOT nga nga working capital loan para sa mga luyag maka bangon liwat nga mga negosyante. may yara ini sang zero interest loan, 4 years to pay kag one year grace period.
Suno kay Romulo-Puyat, dako kuno ini nga bulig sa mga yara sa tourism sector nga amo ang isa sa mga pinaka na apektohan sang pandemic.
Ang cash grant kag loan ang sarang ma applyan sa DOLE office.
Sa datus gikan sa dot region 6 may 157 na ka mga indibidwal sa Negros Occidental ang naka benepisyo sa cash grant samtang 69 naman sa Bacolod.
May na release na sila nga 8,770,000 nga bulig pinansyal.
Samtang iya gina abe abi ang nagakatabo sa karon nga plano sa pagbakal sang bakuna kay pinaagi sini maka amat amat na bangon ang turismo. Pero suno sa iya wala man naga kahulugan nga may bakuna na, pwede na maka balik sa normal ang pagsinalayo. Dapat sa gihapon sundon ang minimum health protocol.