Digicast Negros

Mga empleyado sang duha ka ospital sa Bacolod una bakunahan sa Domingo

Mga health workers sa duha ka mga ospital sa Bacolod City ang natalana nga pagabakunahan batuk sa COVID-19 sa ti-on nga mag abot ang bakuna nga Sinovac sa Domingo.

Ginpahayag sang deputy for medical sang Bacolod Emergency Operations Center nga si Dr. Chris Sorongon nga mga health workers sang Corazon Locsin Montelibano Memorial Regional Hospital kag Riverside Medical Center ang una nga pagabakunahan bangud ginakabig ini nga mga hospital bilang primary healthcare institutions.

May 16,000 ka mga dose sang Sinovac vaccine ang ginhatag sang department of health para sa Western Visayas kag kapin 3,500 ka mga bakuna ang ihatag sa duha ka mga ospital sa Bacolod.

Pero ginpahayag ni Sorongon nga indi tanan nga health workers sa amo nga mga ospital ang luyag magpabakuna sang Sinovac gani magakuha man ang EOC sang health workers gikan sa iban pa gid nga mga ospital agud nga magamit ang tanan nga bakuna.

Kabahin ini sang 600,000 ka doses sang Sinovac vaccine nga gin donate sang China sa Pilipinas nga nag abot sa pungsod sang nagligad nga Domingo.

Nagpangita naman sang mga substitute frontliners ang siudad nga mahimo madapatan man sang bakuna sa tion nga may yara sang sobra nga dose sang magaabot nga bakuna.

Sa Hulyo ukon Agosto naman natalana nga magaabot ang 650,00 ka doses sang vaccine gikan sa astrazeneca nga damlag pa gin order sang Bacolod.

Exit mobile version
Skip to toolbar