Sang Martes ginsuguran ang duha ka adlaw nga mandatory surprise drug test sa mga katapo sang Bureau of Fire Protection sa 645 tanan ka mga bombero kag office staff sa Negros Occidental.
Suno sa kay FO1 Sheena Mae Valerio, public information officer sang BFP Negros Occidental, ginpatigayon ang drug test sa pagpatigayon man sang inspeksyon sa mga personnel.
Magluwas sa Negros Occidental ginpaidalom mans a drug test ang iban nga mga BFP personnel sa bug-os nga Western Visayas.
Gina paabot nga maga gwa ang resulta sa masunod nga mga inadlaw. Kun may mag positibo sa drug test, ipaidalom siya sa confirmatory test kag kun mag positibo liwat sarang siya mapaksaan sang kaso kriminal kag administratibo.
Ini ang kabahin man sang programa sang BFP sa pagpasiguro nga drug free ang ila nga hanay.