Nakabaton sang incentive ang mga atleta sang Negros Occidental nga nakadaug sang medalya sa nagtakop nga Negros Island Regional Athletic Association Meet 2026.
Ang gold medalist ang nakabaton sang P1,500; silver medalist P1,000 kag P800 naman ang bronze.
Lakip sa mga nakabaton sang allowance amo ang 266 ka mga gold medalist kon sa diin ini sila tanan ang mangin tiglawas sang probinsya sa maabot nga Palarong Pambansa 2026 nga patigayunon sa Agusan Del Sur humalin Mayo 24.
Nagpabutyag naman si Governor Eugenio Jose Lacson sang iya kalipay bangud na-outperform sang probinsya ang iban nga teams sa nagtakop nga regional meet.
Dugang pa ni Lacson magahatag ang probinsya sang bulig sa mga atleta nga magahampang sa Palaro kaangay sang pagkaon, pang-travel, kag iban pa.
Nagalaum sa karon si Lacson nga makapauli ang probinsya sang mga medalya gikan sa Palarong Pambansa.*
[sibwp_form id=1]