Ang sini lamang nga mga ash emission kag minor explosive eruption sang bulkan Kanlaon kasubong mga pasakalye sa pag padulong sa major eruption.
Ini suno kay Ma Antonia Bornas, chief sang Volcano Monitoring and Eruption Division Prediction sang Philippine Institute of Volcanology and Seismology sa interview sang Digicast Negros.
Mahimo suno kay Bornas nga ang pag buga magatuga sang lava eruption ukon highly explosive worse case eruption.
Sa Abril 16 nga monitoring report, maka duha ka beses nga nag buga sang abo ang bulkan Kanlaon kag ini ang naglawig humalin 20 tubtob 70 minutos.
May 16 ka volcanic earthquakes nga naga lakip sang volcanic tremors nga naglawig sang 34 tubtob 42 minutos ang na record man.
Sang Abril 15, 1,078 ka tonelada ang sulfur dioxide flux. 200 metros naman ang kataason sang plume.
Sang Lunes nag buga man sang abo ang bulkan Kanlaon nga nag lawig sang masobra sa pito ka oras suno sa PHIVOLCS.
Ini ang nagresulta sa light nga ashfall sa Bago kag La Carlota City.
Ini tanan suno kay Bornas kabahin sa development padulong sa main eruptive period.
Ini ang nahauna nga tion suno kay Bornas nga ila na eksperiensyahan ang kasubong nga activity sang bulkan Kanlaon kag wala ini sa ila nga historical documents.
Ang unrest sang bulkan Kanlaon mahimo nga magalawig antes ini mag culmintate, gani ang ila nga rekomendasyon nga mag pabilin ang mga residente sagwa sang 6 kilometer danger zone.
“But again, there is a lot of danger from this volcano and it’s very difficult to predict an eruption, with sufficient lead time for them to be warned and evacuate if they are within 6 kilometers. So it is really better to stay away from the 6 kilometer area. It’s for their own good. Despite the very short periods of time with unrest, much shorter than the longer periods of time that there is nothing and that they have to actually endure sa evacuation center, the next eruption could be potentially larger and potentially produce larger hazards and could actually harm them”, suno kay Bornas.