Padayon karon ang imbestigasyon sang Police Station 2 may angut sa nag luntad nga pag pangawat sa opisina sang J&T Express sa 11th Lacson Street sa Barangay 7 sang Biyernes sang gab-i.
Sa imbestigasyon sang PNP, ginsulod sang duha ka lalaki nga naka bonnet kag sakay sa motor ang opisina kag sila ang nag deklarar sang hold-up.
Ila gin kuha ang armas sang security guard.
Ginsulod sang isa ka suspek ang opisina kag iya gin tayaan ang isa ka empleyado kag didto gin kuha ang remittance nga 1,100,000 pesos.
Ginpahayag ni Captain Jonito Pastrana, hepe sang Police Station 2 nga posible mga anay empleyado man sang kompanya amo ang yara sa likod sang pag pangawat.
Sila man abi ang naka hibalo sang operation sa opisina. Posible man may insider sila suno sa pulis.
Padayon ang imbestigasyon sang PNP.