Bangud sang sunod sunod nga mga post karon sa social media angut sa kidnapping, sa siyudad sang Dumaguete may nagalapta man nga gina alegar kaso sang kidnapping ukon hana nga pangkidnap sa siyudad.
Gani ang Dumaguete PNP ang nag hinyo na karon sa Police Community Affairs and Development Group nga tutukan kag usisaon ang mga nagalapta nga alegasyon sa social media.
Suno kay Lt Col Joeson Parallag, wala pa sang may naka palapit kag naka pangayo sang bulig sa PNP angut sa mga alegasyon sa social media gani sila ang naga pangayo man sang bulig sang publiko agud ila mausisa kun bala may kamatuuran gid man ang mga alegasyon sa social media angut sa kidnapping sa syudad.
Iya man gin hinyo ang PCAD nga ipalapta sa karon ang hotline sang PNP agud gilayon masugid sa kapulisan kun may yara gid man sang kaso nga kidnapping sa siyudad kag ila ini magaan igtalupangod.
Panawagan lang nila sa karon sa publiko amo nga likawan ang pag palapit ukon pag upod sa ila mga indi kilala nga indibidwal.