National Irrigation Administration Region VI ang nagpatigayon sang inter-agency coordination meeting angut sa El Niño Mitigation and Response.
Ginsiling ni Pedro Limpangog, ang presidente sang Federation of Irrigators Association Bago River Irrigation System, nga nagtambong sa amo nga pagsapol, nga gin pang identify sang NIA ang mga lugar nga vulnerable ukon sarang nga ma apektuhan sang Super El Niño.
Sa Negros Occidental kadam-an ang halos na identify sa low level susceptibility sa epekto sang El Niño.
Sa idalom sang gina serbisyuhan nga mga talamnan sang Bago River Irrigation System may mga 3,500 ka ektariya sang humayan nga na-identify ang NIA nga low level of susceptibility sa epekto sang El Niño nga sakop sang Bacolod, Bago, Valladolid Pulupandan kag San Enrique kag 114 hectares naman ang may medium level of susceptibility sakop sang Valladolid.
Suno kay Limpangog ang may medium level of susceptibility ang nahamtang sa mga tail-end na sang irigasyon kag sila ang gina abisuhan nga ipaiway na lang anay ang pag pananum sang humay kag mag tanom sang lain anay nga crops para indi ma layaan.
Sa idalom sang Pangiplan River Irrigation System sa Himamaylan, may 242 hectares nga na identify man nga low level of susceptibility.
“Siguro kinahanglan sa gihapon sang mga mangunguma ang kooperasyon sang tagsa-tagsa, kay low level kita siguro aton lang gihapon andaman,” suno kay Limpangog.
[sibwp_form id=1]