Ginsiling ni Police Lt. Col. Alvimar Flores, hepe sang Sagay PNP, nagpangayo sang bulig sa police station ang lolo sang biktima matapos niya nabatian nga nagasinggit ang iya apo sa kwarto sang iya bata nga lalaki.
Sang pag-abot sang mga nagresponde nga kapulisan, naglinong na sa balay, gani nagdesisyon sila nga gub-on ang pwertahan sa kwarto sang 41-anyos nga amay.
Didto kag ila nakita ang dalaga nga nagahigda sa katre kag duguon. May mga pilas siya sa ulo. Samtang ang suspek ang nagapungko sa katre kag nagatulok sa iya nga bata.
Nahibaluan nga separado na ang ginikanan sang teenager. Ang iya iloy ang naga-obra sa Cebu. Nagatiner ang biktima sa pihak nga balay upod ang iya mga tiya.
Suno sa amay, isa na ka semana nga wala siya makatulog. Iya gindala sa iya balay ang iya bata agud kun tani istoryahon.*
[sibwp_form id=1]