Patay ang 14 anyos nga si Jomae Hernaez kag ang 22 anyos nga si Jose Jerry Pamaloan nga nobyo sang iya magulang matapos pareho nga malumos sa suba sa Purok Tan-ag, Damsite sa banwa sang Murcia sini nga hapon.
Sa initial investigation sang Murcia PNP, samtang nagapaligo, nadanlog sa bato si Hernaez kag gin dala sang makusog nga daludo sang tubig sa suba.
Sang makita ni Pamaloan ang natabo sa utod sang iya nobya, buligan niya kun tani ini ugaling pati siya ang gindala man sang makusog nga daludo sang tubig.
Yara na sa punta sang tunnel sang NEA dam nasapwan ang duha kag dead on arrival na sila pareho sang mag abot sa ospital.