San Carlos City Mayor Renato Gustilo ang nagpositibo sa Covid-19.
Sa interview sang Digicast Negros sa alkalde iya ginsiling nga siya ang naga paayo na kag natalana na nga magtapos ang iya nga quarantine. Mahimo suno kay Gustilo nga sa madason nga semana siya ang makabalik na sa trabaho.
Naka home quarantine ang alkalde kasubong man ang pila niya ka mga kaupdanan.
Na qualify man sa rekisitos ang iya nga puluy-an.
Una nga nagpositibo sa virus ang iya nga bodyguard. Ginsiling man sang alkalde nga siya lang sa ila nga panimalay ang nagpositibo sa virus. Nakabatyag siya sang pila ka sintomas damlag pa.
Samtang padayon naman ang pagnubo sang active Covid-19 cases sang San Carlos City.
37 ang active cases sang siudad.
“Subong sa balay ko nag quarantine bangud kay damo-damo kami. Kag na qualify man ang balay namon. Gin isa na lang kami nga daw isa facility lang nga quarantine. (pero ikaw man lang isa sa inyo balay nag positive mayor?) ako lang. Pero damo ko upod (tinawo) nga gin home quarantine na lang,” suno kay Gustilo.