Isabela Mayor Irene Montilla sa karon ang naka recover na sa Covid-19.
Suno sa alkalde, may walo ka iban pa nga mga empleyado sang munisipyo ang nag positibo man sa Covid-19.
Nag gwa sa report nga ang alkalde kaupod sang pila ka mga department heads sang banwa ang nagtambong sa isa ka LGU training sa isa ka venue sa banwa sang Hinoba-an damlag pa.
Suno kay Mayor Ernesto Estrao kasunod sang pag gwa sang balita sang Covid infection sa mga natungdan gin pa idalom man sa swab test ang staff sang amo nga venue kag ini sila ang nag negatibo sa virus.
Ginklaro man sang Provincial Director sang Department of the Interior and Local Government nga si Roselyn Quintana nga ang DILG officer sang banwa nga nagtambong sa amo nga pagtililipon ang nag paidalom man sa swab test kag negatibo ang iya nga resulta. Ini sa tunga sang nag gwa man nga balita nga nagpamalibad ini sa pagpaidalom sa swab test ang amo nga DILG officer.
Ang natungdan nga DILG officer suno kay Quintana ang isa sa mga resource speakers sa amo nga LGU activity.