Nagpa gwa sang paandam sa publiko si Bacolod City Mayor Greg Gasataya angut sa scammer nga nag gamit sang iya ngalan.
Suno kay Gasataya, ginpahibalo siya nga isa ka restaurant sa siudad sang Bacolod ang diutayan na lang gid mabiktima sang scammer sang Lunes.
Isa ka persona nga nag gamit sang iya ngalan kag nag order sang pagkaon para kuno sa bisita sang siudad nga isa ka beauty queen.
Dako man ang pagpasalamat sang alkalde bangud nag pagpakig angut ang tag-iya sang restaurant sa Public Employment and Services Office ukon PESO.
Suno pa kay Gasataya, iya na nga gin palab-ot sa pamunuan sang BCPO ang amo nga modus para sa naga kaigo nga imbistigasyon.
Ini ang ika duha na nga bes nga gin gamit ang iya nga ngalan sa pagpanginto.