Silay City Mayor Joedith Gallego ang nag porma sang komitiba nga maga maga usisa sa natabo nga pagkatumba sang dump truck sadtong Hunyo 27 kun sa diin pito ang nagkalamatay.
Suno sa alkalde paga tapuan ini sang nag kalain-lain nga departamento agudto mapat-od kun ano gid ang natabo.
Gikan sa tree planting activity ang mga naga trabaho sa city hall sang Silay sakay sa mini dump truck sang matumba ini sa Hda Paho, Brgy Guimbalaon.
Magluwas sa pito nga napatay, 18 ang nasamaran lakip na diri ang driver.
Suno sa Silay City PNP, anum as of press time ang naga pabilin sa ospital.
Sa anum duha ang natalana nga iga-discharge, paayo na ang iban kag isa sa ila ang naga pabilin sa Intensive Care Unit.
Suno kay Lt Col Mark Darroca ang hepe sang Silay City PNP, isa na lamang sa mga nasamaran ang wala pa maka desisyon kun siya ang maga pasaka sang kaso batuk sa driver.
Ang nabilin nagpabutyag nga indi sila interesado mag-file sang kaso.
Apat na ang naka execute sang affidavit of non-interest, kag sa tion nga ligwa na, handa man ang PNP sa pag assist sa nabilin sa pag lagda sang affidavit of non-interest.
Nag hatag sang assistance ang LGU sa mga nahul-an suno kay Darroca base man sa nabaton nila nga impormasyon.
Kun wala naman gid sa mga direkta nga apektado ang interesado mag-file sang kaso, ang PNP maga pakig-angut sa LGU kun maga file sang kaso.
Paathag ni Darroca ini may angut sa damage to property bilang resulta sang natabo.
“May government property ta nga na damage, possible ang government sang Silay ang ma-file kaso kay indi man na pwede nga indi filan kaso mo kay may na damage nga property”, suno kay Darroca.