Mga hakos kag singgitan gikan sa mga supporters nga nakapula ang nag-sugata kay Aksyon Demokratiko presidential candidate Isko Moreno sa iya pag-courtesy call kay Mayor Evelio Leonardia
sa Bacolod City Government Center kaina sang aga.
Sa ikaapat niya nga pagbalik sa siudad para sa kampanya kaupod niya ang iya ka running mate nga si vice presidential candidate Willie Ong kag mga senatorial candidates nga sanday Samira Gutoc,
Jopet Sison kag anay Agrarian Reform secretary John Castriciones kaupod man ang Mothers for Change nominee nga si Mocha Uson.
Nahauna naman ini nga tion nga naka-upod si Bacolod City Mayor Evelio Leonardia sa isa ka presidential candidate sa campaign period.
Pero iya ginklaro nga nagapabilin siya nga neutral sa bahin sang presidential elections.
“I remain neutral. Isko is a friend eversince we were in the LCP,” suno kay Leonardia.
Magluwas sa Government Center, nagbisita man si incumbent Manila Mayor moreno sa St. Jude Thaddeus Parish Church sa Barangay Alijis.
Nakig-kita man siya sa alkalde sang banwa sang Binalbagan kag nagtambong sa isa sa mini concert antes sang isa pa ka natalana nga grand rally sa Bacolod City Public Plaza.
Pero sa iya man nga pagbisita sa Bacolod, nag-withdraw man sa pwesto ang local chairman sang partido nga si anay konsehal Ricardo “Cano” Tan tungod pag-bypass sa iya.
Suno kay Tan wala siya napahibalo angut sa campaign activities ni Moreno bilang partymate kag wala siya na-respeto bilang chairman sang local party.