Konseho gin aprobahan ang ginhinyo ni Mayor Albee Benitez nga authority to sign to negotiate loan for Bacolod City Government.
Ang pagbakal sang duta para sa patyo kag sanitary landfill pati na ang pagtukod sang legislative building sa likod sang Bacolod City Government Center kabahin sa mga priority projects sang Benitez administration.
Gani kahapon gin-aprobahan sang Sangguniang Panlungsod ang request ni Mayor Albee Benitez para sa authority to sign para mag-negotiate sang loan sa Develepment Bank of the Philippines.
Indi magnubo sa P5B ang tuyo nga utangon sang siudad sa banko.
Pero suno kay Councilor Al Victor Espino gin-upgrade sang Department of Finance sa P5.7 billion ang borrowing capacity sang siudad.
Pinaagi sa loan tuyo man sang siudad nga mapasanyog ang government services pinaagi sa computerization kag ang pagtukod sang iban pa nga socio-economic projects.
Kun matigayon na ang negotiation sa tunga sang alkalde kag DBP maga-submit siya sang detalye sa konseho upod sa paghinyo sang authority to sign para sa kontrata.