Mayor Albee Benitez mang-libre sang spaghetti kay anay Mayor Evelio Bing Leonardia nga nagligad pa nga naga pang agda sang mga pagkaon.
Indi lang libre nga pagkaon paagi sa kapin P2.5M nga food vouchers ang gin-donate ni Mayor Albee Benitez para mabuligan ang mga kiosk renters nga apektado sang typhoon Kristine dungan sa MassKara Festival celebration.
Naga-offer man siya sang libre nga spaghetti kay anay Mayor Evelio Leonardia nga nagligad pa nga nagapang agda sang suman kag spaghetti.
Ang anay alkalde ang nag bisita man sang nagligad nga gab-i sa mga naga-renta sang kiosko sa Bacolod Public Plaza nga labi nga naapektuhan sang maulanon nga panahon.
Indi mapat-ud kun ang ginatumod ni Leonardia tuhoy sa suman ang may kaangtanan sa relasyon sang mga kaalyado sang alkalde sa Asenso Bacolod kag ang spaghetti naman sa mga nagalaylay kag nagalinambod nga linya sang kable nga kabahin sa prayoridad sang Benitez Administration.
Para kay Benitez importante nga nahangpan sang publiko ang direksyon sang iya panghimanwa kag ang tinutuyo sang ginapatuman nga programa para sa palaabuton.
Nalakip na diri ang paghawan sang mga spaghetti wires kag ang pagduso sang underground cabling system para sa ginahandom nga supercity.