Sa consumers general assembly gin-anunsyo ni Mayor Albee Benitez nga nag-ok na ang Department of Energy sa iya ginduso nga plano angut sa pagpanubo sang balayran sa kuryente kag iya na lamang ginahulat ang official approval agud mapatuman ang power saving measures.
Ginsiling sang alkalde nga kabahin sa iya ginduso nga tikang amo ang pagbakal sang bulk supply halin sa mga power suppliers gikan sa probinsya kasubong sang sa mga solar power plant kag biomass power plant. Bilang constestable consumer sarang makabakal sang manubo nga power cost sa mga power generators ang siudad nga maga-resulta sa pagnubo man sang balayran sa masobra tres pesos per kilowatt hour.
Suno kay anay Energy Regulatory Commissioner Atty. Aina Magpale-Asirit, ang pagmahal sang coal, pagsaka sang value sang US dollar kag pagsaka man sang presyo sang produkto petrolyo nalakip sa mga kabangdanan sang pagtaas sang balayran sa kuryente.
Nagapati siya nga pinaagi man sa mga alternative power supply kasubong sang renewable energy halin sa solar kag biomass power plant sarang mapahagan-hagan ang pagmahal sang balayran sa kuryente.