Provincial Veterinary Office ang naka mutik sang pagsaka sang respiratory illness sa kasapatan labi na sa poultry.
Ini suno kay Dr Placeda Lemana ang provincial Veterinarian nga nagpaathag nga dala sang mainit nga panahon kag pag tupa man sang ulan indi malikawan ang pag masakit sang mga kasapatan.
Masami gid man nga nagakatabo ini dala sang baylo klima gani naga abiso siya labi na sa poultry nga likawan ang pag ginutok sang mga manok sa mga kurong.
Importante man nga hatagan sang tubig sa tanan nga tion ang kasapatan lakip ang mga hinuptanan.
Sa mga mahilig mag pabayo sang mga ido, panugyan niya likawan ini bangud nagadugang ang gina batyag nila nga kainiton.
Sa may mga kasapatan nga gina lawig siguraduhon nga ibutang sila sa handong labi na kun naga tagiti ang init.
Sa karon ang Provincial Veterinary Office ang naga pang hatag sang electrolytes lakip na vitamins para mapabakod ang resistensya sang kasapatan.
“Sa nakita namon, damo ang mga cases nga naga sip-on. Kay tungod nga kun kis-a indi ma ibitar nga may naga tupa nga gamay nga ulan, sudden change sa weather. Amo gid na ang nakit-an sang aton nga mga field personnel. Ang aton gin ideya naga pang hatag lang kami electrolytes. Multivitamins para ma iban ibanan ang ila dehydration kag indi matam-an”, suno kay Lemana.