May 80 ka pamilya ang gin-evacuate kasunod sang pag lupok sang bulkan Kanlaon Hwebes sang hapon.
Sa 11 am nga report sang Provincial Disaster Risk Reduction Managment Office, 34 ka mga pamilya ukon 115 ka persona ang gin-evacuate sa Brgy Araal sa La Carlota City. Suno kay Irene Bel Ploteña ang PDRRM officer, nag-desisyon ang CDRRMO sang La Carlota nga iga evacuate ang mga pumuluyo bangud sang ash fall.
May 26 naman ka pamilya ukon 80 ka persona sa Ilijan sa Bago City ang gin paidalom sa pre-emptive evacuation.
Suno kay Ploteña ini sila ang ginbutang sa temporary evacuation center sa Napoles pero as of press time suno sa iya may iban nga amat-amat naman nga nagpauli na.
Magluwas sa ash fall nga nag apekto sa siyam ka mga banwa kag siudad wala na sang iban pa nga kahalitan nga gin-report tuga sang pag buga sang bulkan Kanlaon.
Wala sang water sources nga gin-report na apektuhan, pero gin padala sang probinsya ang water flitration truck sini sa La Carlota para sa kinahanglanon nga tubig sang mga gin-evacuate sa amo nga siudad.
Padayon naman ang relief assistance para sa mga apektado.
Samtang, wala na sang mga naga puyo sa 4km permanent danger zone sang bulkan.
Ini sila ang damlag pa gin-evacuate na kag naga tenir sa mga evacuation centers.
Suno sa Office of the Civil Defense sa Canlaon City may 47 families nga gikan sa 4km PDZ sa Canlaon City kag 66 families naman sa La Castellana nga naga hulat sang permanent relocation. Sa Bago City may 22 families nga indi sakop sang 4km PDZ pero yara sa geographicially isolated areas.*
[sibwp_form id=1]